|
Նախագծի մասինԻնչպես օգտվել համակարգիցԿապ մեզ հետՆախագծի մասին«Group.am» համակարգի խնդիրն է կազմակերպել արագ, հարմար և արդյունավետ եռակողմ փոխհարաբերություններ կազմակերպությունների, կառավարության և ֆիզիկական անձանց միջև` ապահովելով կոմերցիոն և հասարակական տեղեկատվության փոխանակման հուսալի և պաշտպանված ուղի, միևնույն ժամանակ հասցնելով նվազագույնի բիզնեսի աշխարհագրության ընդլայնման ծախսերը գործարար աշխարհում: Համակարգը նախատեսված է ինչպես Հայաստանի Հանրապետության, այնպես էլ Սփյուռքի համար: «Group.am» կայքը բաղկացած է բիզնես ցանց կառուցելու համար դինամիկ և բազմաֆունկցիոնալ հենահարթակից (պլատֆորմ) և մի շարք գործիքներից, որոնք պետք է ծառայեն ըստ համագործակցող սուբյեկտների տեղեկատվական և տնտեսական փոխգործակցության այնպիսի տնտեսական մոդելների իրագործմանը, ինչպիսիք են. · «Business-to-business», հապավումը` (B2B), որը ենթադրում է փոխգործակցություն իրավաբանական անձանց միջև (կազմակերպություն` անկախ կազմակերպաիրավական ձևից): · «Business-to-consumer» (B2C), որի դեպքում փոխգործակցության սուբյեկտ մի կողմից իրավաբանական անձն է, մյուս կողմից ֆիզիկական անձ (քաղաքացի սպառողը): · «Consumer-to-consumer» (Citizen-to-citizen) (C2C)` փոխհարաբերություններ ֆիզիկական անձանց միջև: · «Government-to-business» (G2B) - արտացոլում է փոխհարաբերություններ պետական կառույցների և կազմակերպությունների միջև: «Group.am» կայքում իրավաբանական և ֆիզիկական անձանց (այսուհետ անձինք) գուրծունեությունը ներկայացվում է մասնագիտական խմբերով: Համակարգում գրանցված անձինք կարող են հանդես գալ. 1. որպես փորձագետ` ընտրելով համապատասխան մասնագիտական խումբը (ոլորտը), և մատուցել անվճար և վճարովի ծառայություններ, 2. որպես օգտագործող և օգտվել փորձագետների մատուցած ծառայություններից, 3. միաժամանակ և որպես օգտագործող, և որպես փորձագետ: «Group.am» համակարգը, ինչպես նշվեց վերը ունի մի շարք գործիքներ, որոնք ներկայացված են ստորև.
Այս բազմաֆունկցիոնալ գործիքը հնարավորություն է տալիս օգտվել համակարգում որպես փորձագետ գրանցված ընկերությունների և անհատների անվճար և վճարովի խորհրդատվական և այլ ծառայություններից, կազմակերպել մրցույթներ (տենդերներ), ինչպես նաև հարցումներ:
Տվյալ գործիքի միջոցով կարելի է ստեղծել մի միջավայր որը համեմատելի է վիրտուալ կլոր սեղանի հետ: Դա նշանակում է, որ այստեղ կարող են համախմբվել համակարգի միևնույն ոլորտի (մասնագիտական խմբի) և անկախ մասնագիտացումից և փորձագետի կարգավիճակից բոլոր անձինք` տարբեր թեմաներով քննարկելու, բանավիճելու, փորձի փոխանակման, նորարարության և ցանկացած այլ նպատակով: Կոնֆերանսը կարելի է ստեղծել ինչպես բաց տիպի այնպես էլ փակ: Սա նշանակում է, որ կոնֆերանսի մասնակցելու հրավերք կարելի է ուղարկել ինչպես բոլորին ովքեր ունեն ցանկություն մասնակցելու կոնֆերանսների այնպես էլ կոնկրետ անձանց: Կոնֆերանսը կարող է լինել նաև անվճար և վճարովի տեսակի: Անվճար կոնֆերանսին կարող են մասնակցել բոլոր հրավիրվածները անվճար հիմունքներով, իսկ վճարովի կոնֆերանսին կարող են մասնակցել միայն դրամական հաշվեկշիռ ունեցող անձինք կոնֆերանս ստեղծողի կողմից սահմանված վճարը վճարելուց հետո: Վճարովի կոնֆերանսի վճարը կարող է գանձվել մի քանի եղանակով` կոնֆերանս մուտք գործելու համար, կոնֆերանսում ակտիվություն ցուցաբերելու համար (հարց տալու կամ մեկնաբանություն թողնելու համար), կամ այս երկու եղանակների համակցությամբ: «Group.am» համակարգը ևս կազմակերպելու է կոնֆերանսներ, որոնց որպես հյուր ներկայանալու են պետական տարբեր մարմինների ներկայացուցիչներ և քննարկվելու են տարբեր ոլորտների առկա խնդիրները և զարգացման ուղիները:
Տվյալ գործիքը ծառայում է համակարգում գրանցված անձանց միջև, ինչպես նաև կազմակերպության ներքին հաղորդակցման և օնլայն եղանակով փաստաթղթաշրջանառության համար:
Համակարգում գրանցված անձինք համակարգի այլ անձանց մատուցած ծառայությունների համար կարող են գնահատվել և վաստակել որոշակի վարկանիշ կամ գնահատել այլ անձանց կողմից մատուցված ծառայությունները, որը շատ կարևոր է միևնույն ոլորտի տարբեր անձնաց կողմից մատուցվող ծառայությունը ընտրելիս:
Ինչպես ընկերությունները այնպես էլ անհատները ունեն վիրտուալ դրամական հաշվեկշիռ, որը կարող են համալրել համակարգում հանդես գալով որպես փորձագետ վճարովի ծառայություններ մատուցելու արդյունքում, կանխիկացնել կամ վճարել այլ փորձագետների վճարովի ծառայություններից օգտվելու և կոնֆերանսների մասնակցելու համար:
Մասնագիտական խմբերը ընդգրկում են գրեթե բոլոր ոլորտները, որոնց ցանկը անընդհատ կարող է ավելանալ: Ներկայումս համակարգում ներառվել են հետևյալ ոլորտները.
Օրինակ` «Բիզնես և ֆինանսներ» մասնագիտական խումբը ընդգրկում է հետևյալ ենթախմբերը`
Ինչպես արդեն նշվել է վերը, «group.am» համակարգը կառուցվել է դինամիկ պլատֆորմի հիման վրա, ինչը նշանակում է, որ նրա հնարավորությունները անսպառ են և թվարկված գործիքները աշխատանքի ընթացքում կարող են անընդհատ կատարելագործվել և ավելանալ նոր գործիքներ` հաշվի առնելով համակարգն օգտագործող անձանց յուրահատուկ կարիքները: Գրանցվելով «group.am» համակարգում, կազմակերպությունները կարող են. 1. Մատուցել անվճար և վճարովի ծառայություններ պատասխանելով համակարգի այլ մասնագիտական խմբերում գրանցված ընկերությունների, անհատ փորձագետների կամ ընդհանրապես մասնագիտացում չունեցող և պարզապես համակարգից օգտվող անձանց հարցերի: 2. Կազմակերպել տարբեր թեմաների շուրջ հարցումներ: 3. Հայտարարել մրցույթներ (տենդերներ): 4. Կազմակերպել վճարովի և անվճար կոնֆերանսներ` նվիրված, ցանկացած թեմայով, որոնց կկարողանան մասնակցել միևնույն և ցանկացած այլ ոլորտի անձինք: 5. Վաստակել վարկանիշ և գրավել առաջատար դիրք համապատասխան ոլորտում 6. Առաջխաղացման համար օգտվել ՀՀ գովազդային շուկայում նախադեպը չունեցող բոլորովին նոր մարկետինգային գործիք հանդիսացող ոչ ավանդական ինքնագովազդից` էլ ավելի ամրապնդելով գոյություն ունեցող հաճախորդների կամ գրավելով նորերի վստահությունը: 7. Բավարարել տարբեր իրավիճակներում առաջացած սեփական խորհրդատվական կարիքները: 8. Կազմակերպել օնլայն հաղորդակցություն և փաստաթղթաշրջանառություն սեփական կազմակերպության ներսում և այլ ընկերությունների հետ: Համակրգում ընդգրկվելու համար անհրաժեշտ է գրանցել կազմակերպությունը www.group.am էջում (գրանցումն անվճար է) և ներկայացնել օպերատորի ակտիվացման հայտ info@group.am էլ.հասցեով: |